馬糞海膽

海膽美味，日本人稱橙黃色的海膽生殖腺為「雲丹」，生食海鮮之中，我最鍾意海膽。海膽有幾百種，能作為食用不多，最常食到係「紫海膽」同高級既「馬糞海膽」，新鮮由海中捕獲即開即食最香甜，此外，可以用火烤，煮湯，壽司，懷石料理等。
因為漁民濫捕，結果海膽量日少，以台灣為甚，在日本，就自設養殖場，而且限制每次捕捉時間不超過40分鐘，算是為野生海膽保留一線生機。
海膽亦有分性別，雌性海膽當然係上品。有D人覺得海膽有苦味唔好食，其實新鮮海膽經海水沖洗之後係無苦味，只係為左防止變壞，係運輸前會加入大量保存劑，所以會令到海膽變苦。海膽入口即溶好似食雪糕咁，果種美味，連蟹羔都比唔上！