超級女聲

也談一談這個大陸熱門話題吧。如果問香港人，有沒有看過「超級女聲」，大概90%以上沒有看過吧。我是偶然會看一下。一個抄襲「American Idol」的新秀歌唱節目(大陸辯稱為「借鑒」，咳…)，首先全國報名，比賽，搵名人評論一下，全民SMS投票，優勝者與唱片公司簽約，電視台全程直播一年時間，中間加d互相攻擊、做馬傳聞、超級fans報導咁。單係報紙，每一日差不多就有八頁係講關於「超級女聲」，總決賽據說收看觀眾有4億人，全國有看過或經常看的佔全民99.2%。
坦白說，冠軍李宇春和亞軍周筆暢兩位唱歌係幾好聽，美女就說不上…可能國內人生活苦悶，對呢d「全民參與」活動極為熱衷，見到d阿婆八九十歲都做舉牌fans，我真係有d不能理解。
其實背後最大得益者，當然唔係American Idol會多左人睇啦，呢4億人都唔知有無一千人睇過…
係製作單位「湖南電視台」，佢地用盡各種方法去炒熱呢個話題，做成巨大經濟效益。單係sms收入就已經有3千萬，全國既轉播費、每一個參賽區參賽者出唱片、fans記念品(閃咭、相片、螢光棒…)、電影、電視、自傳、圖書、報紙等… 呢個天文數字收入真係唔係講笑…
八月完左節目，九月一日就出唱片，睇黎呢個節目雖然剛播完，搵錢行動先o岩o岩開始。